Encara rebrembi quan de petit, ath torn deth huec, en tot vrespalhàuem quauqua talhada de pan tamb vin, pare endreçaue es ascles, me seiguie ena sua "pelha" e didie atau, tamb ua votz pausada e malerosa..."Petit, te vau a explicar un conde, més un conde de vertat, non pas de hantaumes, ne bruishes tanpóc..."Quan jo encara corria pes carrèrs tamb es mocs penjant, etb, mèn pòble siguec bombardat pes deth front enemic... aquerò siguec era Guèrra Civila Espanhòla."En tot alendar fòrt e pausadament, contunhèc en tot díder:"Ua net oscura, venguec Tòn des de Perròt, e mos anoncièc era notícia. Londeman auíem de díder adiu a tot aquerò qu'ère nòstre, a tot aquerò que mos hège a sénter que de vertat èrem quauquarren en aguesta vida; arrés ac podie creir."Extrèt dera òbra "Tornarè", de Noemí Jaquet, includida en aguest recuelh.