Quin se hè los ceps, las pipiòlas o las lecassinas que vàdian atau, còp-sec, en tant chic de temps ? N'an pas ni huelha, ni brancas, ni arradits, e totun, un bèth matin, que s'apitan, davath un casso, dens un tròç de prat, arron un varrat ... La vielha Queton que coneish plan las rasons de tau mistèri... "Au bèth miei deu Vic-Bilh, que i viu ua hemna vielha, vielha, e qui apèran Queton. Non saben pas, lo monde deu parçan, quan ei vaduda : que l'an tostemps vista aquiu, e be sembla qu'i serà tostemps. Jo, quan me'n vau passejar peus bòscs, que m'estanqui tostemps tà li har quate istuèras. E un dia, que'm contè açò..."