Esta guía convida a unha viaxe íntima e poética e será fiel compañeira do camiñante no seu percurso polo interior do finisterrae europeo, tomando como fío condutor a lírica dos trobadores, un dos máis senlleiros patrimonios literarios que a península Ibérica legou á humanidade. É a experiencia da poesía, da historia, da arte, da súa vivencia social, a que proporciona textura a un mundo hoxe, para nós, diluído e que apenas conseguimos fiar nun tecido único. É esa experiencia a que desde estas páxinas lle brindamos, entrañable viaxeiro: gócea, vívaa e continúe a tecela na súa memoria.