Louise May Alcottek, garai hartako puritanismoaren aurka, heziketa aurrerakoia jaso zuen. Bere familia txiroa zenez, gaztetatik neskame gisa lan egin behar izan zuen. Horrek bultzatu zuen idaztera eta argitalpenen salmentei esker bizimodua ateratzea lortu zuen. 1868an Neskatxak argitaratu zuen, ospea eta dirua ekarri zizkion obra. Norberaren askatasuna eta besteekiko maitasuna aldarrikatzeko asmoz, gazteentzako beste hainbat eleberri idatzi zituen.