Auetz enes còstes mans un aute recuelh d'istòries, racondes e poèmes correponents ath X Certamen Literari Mn. Condò Sambeat. Un aute viatge vos convidam a retrobar eth gust pera lectura nòsta, autant d'Aran com der aute costat dera termièra. Un aute còp, volem hè-vos a sentir eth plaser dera lectura dera man des mainatges e mainades e tamben des joeni d'aguest país que, damb era simplesa dera paraula despolhada de tota ornamentacion excesiva, mos amiem teth sòn mon vestit de fantasia e realitat, de realitat e fantasia. Ena lectura des autors mèns joeni, non deisharatz de trapài noblesa e dignitat de pensament, viuences intimes e a viatges divertidi que provocaràn era rialha imprevista. Ara fin, un plaser. Prenetz aguest libre damb er esperit tranquil e i passaratz, sens dobte, bones e agradiues estones.