Un cuarto propio é un dos mellores títulos da historia das letras porque resume á perfección o contido deste libro. Para que as mulleres poidan desenvolver a súa creatividade, para que poidan dedicarse á literatura, antes de nada necesitan contar cun espazo de seu no que teren calma e independencia. Esta obra reúne a serie de conferencias que a autora pronunciou na Universidade de Cambridge no 1929 e hoxe en día está considerada unha das obras fundamentais da literatura feminista.