Bi urtetik aurrerako haurrek euren emozioak ezagutzeko, oinarrizko emozio horiek erregulatzeko eta besteenak hobeto ulertzeko sortutako bilduma da Kuku!. Bilduman, helburu bera duten hainbat elementu daude, besteak beste, album ilustratuak, horma-irudiak edota emozioak lantzeko jokoak. Joseba Sarrionandiak eta Irrimarrak elkarrekin sortu duten album ilustratuak tristura du abiapuntu. Ondoez barea eta iraunkorra da tristura. Nahigabeak har dezake edozeinen gogoa oharkabean. Baina badago norbait hemen lagunari bizipozaz eta alaitasunaz hitz egiteko.