Inork ez du zonbietan sinesten bat aurkitzen duen arte. Horixe gertatzen zaie Zoro izeneko gazteari eta haren lagunei. Jauregi zahar baten barruan, zonbi bat ikusi bakarrik ez, nahi gabe aske ere uzten dute Bilboko kaleetan! Zonbien abenturatan, barrea izango da nagusi. Zororen aita oso-oso bitxia da, eta erraztasun ikaragarria du dena nahaspilatzeko. Lehenbiziko abenturan, Athletic-eko hamaikakoan amaituko du zonbiak, arerio baten belarria jaten. Bigarrenean, deabru maitemindu baten atzetik ibili beharko dute guztiek. Ihesaldi tronpatuak eta bihotzaren dei nahasiak, umorez blaituriko abenturatan.