Antoine de Saint-Exupéryren (1900-1944) Printze txikia, 1943ko apirilean, ingelesez eta frantsesez argitaratu zen. Handik gutxira, mundu osoan ospe handia lortu zuen. Miresmen handiko liburua da gaur egun, ezinbestekotzat hartzen diren hamar liburuetariko bat, alegia. Saint-Exupéryk hainbat literatur sari garrantzitsu irabazi zituen Frantzian eta pilotu militarra izan zen Bigarren Mundu Gerraren hasieran. Eskuizkribua Estatu Batuetan erbesteratuta egon zen bitartean idatzi eta ilustratu zuen. Printze txikia ipuin poetiko bat da, Saint-Exupéry berak eginiko akuarelazko ilustrazioekin osatuta dagoena. Hegazkinak matxura bat izan ondoren Saharako basamortuan galtzen den pilotu baten istorioa da. Han beste planeta bateko printze txiki bat ezagutuko du, bere abenturak kontatzen dizkiona eta haren lagun mina bihurtuko dena.